 "Heydər Əliyev şəxsiyyətinin rolu” mövzusunda konfrans keçirib Gənc Vətənpərvərlər Birliyi (GVB) Azərbaycan xalqının Ümummilli lideri Heydər Əliyevin anım gününə həsr olunmuş "Heydər Əliyev şəxsiyyətinin rolu” mövzusunda konfrans keçirib. qhtxeber.az-a daxil olan məlumata görə, tədbirdə tədbir iştirakçıları əvvəlcə Ulu öndər Heydər Əliyevin büstünün önünə əklil qoyublar, onun əziz xatirəsini ehtiramla yad ediblər.Tədbirdə çıxış edən GVB-nin sədri, Azərbaycanın fəxri bədən tərbiyəsi və idman işçisi Muğan Əliyev Azərbaycan xalqının Ümummilli lideri Heydər Əliyevin yaratdığı zəngin dövlətçilik irsi, Vətən və xalq qarşısında misilsiz səy və xidmətlərindən geniş söhbət açıb. O, bildirib ki, Azərbaycanı canı qədər sevən, ürəyi daim xalqın səadəti, xoşbəxtliyi üçün döyünən, ölkəsini azad, müstəqil və inkişafda görmək istəyən Heydər Əliyevin mənalı ömür yolun bugünkü və gələcək nəsillərə nümunədir: "Heydər Əliyevin milli inkişaf strategiyasının icrasını uğurla davam etdirən Azərbaycan Prezidenti İlham Əliyev uğurlu islahatlar həyata keçirərək ölkəmizin daha da inkişaf etməsinə zəmin yaradır”.
Tədbirdə digər çıxış edənlər Ulu öndər Heydər Əliyevin Azərbaycanın inkişafı naminə gördüyü işlərdən, ölkəmizin beynəlxalq nüfuzunun artmasından danışıblar. Sonda Ulu öndər Heydər Əliyevin həyat və fəaliyyəti haqqında film nümayiş olunub.
| 
