| Azərbaycan Respublikasında 2023-cü ilin “Heydər Əliyev İli” elan edilməsi haqqında Azərbaycan Respublikası Prezidentinin Sərəncamını bütün xalqımız kimi, Gənc Vətənpərvərlər İctimai Birliyi də böyük minnətdarlıqla qarşılayıb. Bu Sərəncam öz xalqını zamanın mürəkkəb tarixi sınaqlarından uğurla çıxarmış və ardıcıl mübarizə apararaq onu əsl müstəqilliyə qovuşdurmuş qüdrətli şəxsiyyət, dünyaşöhrətli görkəmli siyasi və dövlət xadimi, müasir Ordumuzun qurucusu Ulu Öndər Heydər Əliyev şəxsiyyətinə hörmət və ehtiramın təcəssümü olmaqla yanaşı, həm də Ümummilli Liderin yüzillik yubileyinə ən layiqli töhfədir. Prezident İlham Əliyevin Sərəncamında qeyd edildiyi kimi, Azərbaycan xalqı yeni əsrə və yeni minilliyə məhz Heydər Əliyevin zəkasının işığında qədəm qoyub. Davamlı yüksəliş yolunda inamla irəliləyəm müasir Azərbaycan Heydər Əliyevin həyat amalının təntənəsidir. 2022-ci ili də yüksək Qələbə əhval-ruhiyyəsi ilə yola salan qalib Gənc Vətənpərvərlər İctimai Birliyin üzvləri və regional şöbələri də böyük minnətdarlıqla Heydər Əliyevin ideyalarından daha da ruhlanaraq Müzəffər Ali Baş Komandan İlham Əliyevin rəhbərliyi ilə 2023-cü “Heydər Əliyev İli”ni uğur və nailiyyətlərlə qarşılayır.
|
