GVB tədbir keçirib
AZADİNFORM. Gənc Vətənpərvərlər Birliyi Gənclər və İdman Nazirliyinin maliyyə dəstəyi ilə “Gənclər vətənpərvərlik ruhunda” adlı layihə çərçivəsində “Yeniyetmə və gənclərin hərbi vətənpərvərlik işlərinə cəlb olunma qaydaları və üsulları” mövzusunda Dəyirmi masa keçirilib. Məlumatı “Azadinform”a GVB-dən veriblər.
Tədbirdə GVB-nin Təşkilat Komitəsinin üzvü, Yasamal rayon yerli şöbənin müdiri A.Quliyev bildirib ki, son zamanlar yeniyetmə və gənclər arasında müxtəlif fikir ayrılığı mövcuddur və onlarda hərbi vətənpərvərlik hissləri demək olar lazımi səviyyədə deyil. Onun sözlərinə görə, uşaqların əksəriyyəti əylənməyə üstünlük verirlər və belə meyllər həm də ictimaiyyətdə özünü büruzə verir. O, televiziyaların vətənpərvərlik mövzularına deyil, şou proqramlara çox yer ayırdıqlarını qeyd edib.
Layihə rəhbəri M.Əliyev hərbi vətənpərvərliklə bağlı müvafiq dərnəklərin açılmasını vacib sayıb.
27.08.2012 15:32 / Baxılıb: 1 / Çap
|
