“Vətənpərvərlik tərbiyəsində psixoloji amillərin rolun artırılması” layihəsi çərçivəsində tədbir keçirilib
AZADİNFORM. Gənclər və İdman Nazirliyinin yanında Gənclər Fondunun maliyyə dəstəyi ilə “ Vətənpərvərlik tərbiyəsində psixoloji amillərin rolun artırılması” adlı layihə çərçivəsində “Yeniyetmə və gənclərin əxlaqi tərbiyəsinin psixoloji əsasları: şəxsiyyətin formalaşmasında psixologiyanın əsaslarının tətbiqi” mövzusunda tədbir keçirilib. Məlumatı “Azadinform” a Gənc Vətənpərvərlər Birliyindən veriblər. Təhsil Respublika İdman Mərkəzində keçirilən tədbirdə çıxış edən GVB rəhbəri, ənənəvi karate üzrə fəxri bədən tərbiyəsi və idman işçisi M.Əliyev layihə çərçivəsində keçiriləcək tədbirlərin mahiyyətindən söhbət açıb. O qeyd edib ki, layihə çərçivəsində məktəblərdə yeniyetmə və gənclərə milli qürur, vətənə məhəbbət və sədaqət, etik və estetik tərbiyə və digər bu kimi məsələlərlə bağlı maarifləndirmə tədbirləri keçiriləcək. Psixoloq Ə.Abbasquliyev mövzu ilə bağlı məlumat verib.
|