GVB gənclərin maarifləndirilməsi ilə bağlı tədbir keçirib
+ - Çap Yerləşdirilib: 27.08.12 | Baxılıb: 4
qhtxeber.az// Gənc Vətənpərvərlər Birliyi Azərbaycan Respublikası Gənclər və İdman Naziriliyinin yanında Gənclər Fondunun maliyə dəstəyi ilə “Vətənpərvərlik tərbiyəsində psixoloji amillərin rolunun artırılması” layihə çərcivəsində “Yeniyetmə və gənclərin əxlaqi tərbiyəsinin psixoloji əsasları, şəxsiyyətin formalaşmasında psixologiyanın əsaslarının tədbiqi” mövzusunda TN-nin Təhsil Respublika İdman Mərkəzində elmi-praktik konfrans və təlim keçirilib. qhtxeber.az-ın məlumatına görə, tədbirdə çıxış edən layihənin rəhbəri Muğamat Əliyev keçiriləcək tədbirlər haqqında məlumat verərək bildirib ki, 2012-ci il idman ili olduğuna görə idman tədbirlərin keçirilməsinə üstünlük verməklə yanaşı, idman cəmiyyətlərində dərs saatlarında yeniyetmə və gəncləri milli qürur, vətənə məhəbbət və sədaqət, etik və estetik tərbiyə, milli və döyüş ruhunu, vətənin müdafiəsində fiziki və psixoloji cəhətdən təbliğ və hazırlanmasında maarifləndirmə aşılanacaq. Bu sahədə təlimatçı və məşqçilərin üzərinə böyük məsuliyyət düşür və bu sahədə maarifləndirmə işinin gücləndirilməsinə böyük ehtiyac duyulur.
Tədbirdə layihə üzrə təşkilat komitəsinin üzvü hüquqşunas A.Əsədov, GİN-in məsul işçisi M.Nəsibov, Təhsil İdman Mərkəzinin boks üzrə əməkdar məşqçisi S.Süleymanov, boks üzrə məşqçi Ə.Tağıyev, Cüdo üzrə Təhsil İdman Mərkəzinin baş məşqçisi Q.Pəncəliyev və idmançılar iştirak ediblər.
Hazırladı: İlkin
|
