GVB gənclərlə vətənpərvərlik mövzusunda söhbət apardı + - Çap Yerləşdirilib: 30.08.12 | Baxılıb: 2 qhtxeber.az// Gənc Vətənpərvərlər Birliyi Azərbaycan Respublikası Gənclər və İdman Nazirliyinin yanında Gənclər Fondunun maliyə dəstəyi ilə “Vətənpərvərlik tərbiyəsində psixoloji amillərin rolu” adlı layihəsi çərçivəsində Daxili İşlər Nazirliyinin İdman Cəmiyyəti ilə birgə “Gənclərin fiziki, psixoloji və mənəvi sağlamlığının artırılması” mövzusunda elmi-praktik konfrans və təlim keçirilib. GVB-nin mətubat və informasiya şöbəsindən qhtxeber.az-a verilən məlumata görə, tədbirdə çıxış edən layihənin rəhbəri Muğamat Əliyev bildirib ki, idman cəmiyyətlərində orta ixtisas və ali ixtisas təhsil müəssisələrində yeniyetmə və gəncləri hərbi vətənpərvərlik ruhunda tərbiyə işinin aparılması onların fiziki, psixoloji cəhətdən hazırlığının və gənclərin vətənə sədaqət ,özünə inam, mərdlik, cəsarət və soyuqqanlıq kimi keyfiyyətlərin gücləndirilməsi vacibdir. Konfrans başa çatdıqdan sonra diskusiyalar İdman cəmiyyətinin idman bölmələrində davam etdirilib.Tədbirdə birliyin yerli şöbələri, layihə üzrə təşkilat komitəsinin üzvləri, könülülər, İdman ictimayətinin nümayəndələri, məşqçilər və QHT nümayəndələri iştirak ediblər.
Hazırladı: İlkin
|