https://cebheinfo.az/sosial/heyder-eliyev-ve-genclerin-herbi-vetenperverlik-ruhunda-terbiyesi-adli-elmi-praktik-konfrans--fotolar?fbclid=IwAR0X“Heydər Əliyev və gənclərin hərbi vətənpərvərlik ruhunda tərbiyəsi” adlı elmi praktik konfrans - FOTOLAR
SOSİAL 12 DEKABR 2023, 18:29
1353
ShareFacebookTwitterOdnoklassnikiEmailVKWhatsAppTelegram
Azərbaycan Respublikasının Gənclər Fondun maliyyə yardımı ilə Gənc Vətənpərvərlər İctimai Birliyi (GVİB) “Gənclər arasında Azərbaycanın ərazi bütövlüyü uğrunda döyüşlərdə şəhid olmuş hərbçilərimizin, həmçinin qazi və qəhrəmanlarımızın təbliğ olunması” adlı layihə çərçivəsin Azərbaycan Dövlət Neft və Sənaye Universitetinin nəzdində Sənaye və Texnologiya Kollecində “Heydər Əliyev və gənclərin hərbi vətənpərvərlik ruhunda tərbiyəsi” mövzusunda elmi praktik konfrans keçirib.
QHT.az xəbər verir ki, tədbirdə Kollecin pedaqoji kollektivi, gəncləri, Gənc Vətənpərvərlər İctimai Birliyinin fəxri üzvü Z.Kasımov, İdarə Heyətin üzvləri, ictimaiyyət nümayəndələri, Qarabağ qaziləri və digər qonaqlar iştirak ediblər. İlk öncə dövlət himni səsləndirilib Ulu Öndər Heydər Əliyevin və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Daha sonra Ulu öndər Heydər Əliyevə həsr olunan video-çarxa baxılıb.
Tədbiri giriş sözü ilə açan Sənaye və Texnologiya Kollecin direktoru Faiq Şahbazlı tədbir iştirakcılarını salamladı və tədbirin əhəmiyyətindən danışaraq qeyd etdi ki, əsas məqsəd gənc nəslə hərbi vətənpərvərlik tərbiyəsini aşılamaqdır: “Azərbaycan Respublikasının Prezidenti cənab İlham Əliyev 29 sentyabr 2022-ci il tarixli Sərəncamı ilə 2023-cü il “Heydər Əliyev ili” elan olunub. Bu məqsədlə Respublikamızın hər bir guşəsində olduğu kimi Sənaye və Texnologiya Kollecində silsilə tədbirlər keçirilməkdədir”.
Ulu öndər Heydər Əliyevin ordu quruculuğu, onun formalaşdırılması və inkişafı istiqamətindəki xidmətlərindən danışan natiq vurğulayıb ki, bu strategiya cənab İlham Əliyev tərəfindən uğurla davam etdirilir.
Layihə rəhbəri Azərbaycanın fəxri bədən tərbiyəsi və idman işçisi Müqamət Süleyman oğlu Əliyev icra olunam layihənin məqsəd və vəzivəsindən danışıb. M.Əliyev Müzəffər Ali Baş Komandan İlham Əliyevin rəhbərliyi altında ordu quruculuğu sahəsində həyata keçirilən islahatlardan danışaraq 44 günlük Vətən müharibəsində gənclərimizin göstərdiyi şücaətdən qürurlandığını bildirib. Xalqımızın Ümummilli Lideri Heydər Əliyevin ölkəmizdə ordu quruculuğunun və gənclər siyasətinin banisi olduğunu, bu gün cənab Prezidentimiz, Silahlı Qüvvələrin Ali Baş Komandanı İlham Əliyevin rəhbərliyi altında bu sahələrdə ardıcıl iş aparıldığını, dünyanın ən qabaqcıl orduları sırasında olan bir orduda xidmət keçməyin gənclərimiz üçün böyük şərəf olduğunu, Azərbaycanın sabitlik və inkişafının qarantı olan vətənpərvər dövlət başçımızın ətrafında Vətəni qorumaq ideyası naminə sıx birləşmək hər bir Azərbaycan gəncinin vətəndaşlıq borcu olduğunu bildirib.
Aynur Zülvüqarlı bildirdi ki, Azərbaycan Respublikasının Prezidenti 2020-ci ilin dekabrında Vətən müharibəsinin yekunları ilə bağlı bir neçə fərman və sərəncam imzaladı: “Bu sənədlər əsasında Hər il üçün 8 noyabr Zəfər Günü və 27 sentyabr Anım Günü təsis edildi. Bununla yanaşı hesab edirəm ki, gənclərimizdə vətənpərvərlik hisslərinin aşılanması, onlarda vətən sevgisinin və məsuliyyətlərinin daha da artırılması üçün qeyri-hökumət təşkilatları, xüsusilə də gənclər təşkilatlarının da öhdəsinə böyük məsuliyyət daşıyır”.
Tədbirdə digər çıxış edənlər qazi Qaibov Şamxal, qazi Məhəmməd Ağalarzadə, qazi Elşən Ağabəyov,Kolecin tələbələri və digərləri Ulu öndərin həyat və yaradıcılığından, vətənpərvərlikdən danışaraq, bu kimi tədbirlərin keçirilməsinin əhəmiyyətini vurğulayıblar.
Sonda mövzulara aid fotoslaydlar və vidoçarxlar nümayiş olunub, suallar cavablandırılıb. Tədbirin sonunda iştirakçılara, layihə çərçivəsində nəşr edilmiş buklet, üzərində Gənclər Fondunun və Gənc Vətənpərvərlər İctimai Birliyinin loqoları əks olunmuş köynəklər, Ulu Öndərin əksi olunan döş nişanı və sertifiksatlar paylanıb.
Tədbirin keçirilməsində əsas məqsəd gənclərdə vətənpərvərlik tərbiyəsini yüksəltmək olub, gənclərin vətənə məhəbbəti, milli-mənəvi dəyərlərə bağlılığı ön plana çəkilib, düşmənlərin Azərbaycana vurduğu zərərlər haqqında geniş məlumat verməkdir. Qeyd edək ki, layihə Azərbaycan Prezidenti yanında Gənclər Fondunun dəstəyi ilə həyata keçirilir.
"Cebhe.infoR4RM_aSfAcFV4fFud_mFC3_vxQMdbrE
|
