Azərbaycan Milli Elmlər Akademiyasının prezidenti görkəmli alim, tanınmış ictimai siyasi xadim Akif Əlizadəyə. Hörmətli Akif müəllim, Azərbaycan xalqı Sizi uzun illərdir ki, ölkənin yer elmləri ilə məşğul olan ən böyük alimlərindən biri kimi tanıyır. Siz AMEA Coğrafiya İnstitutunun direktoru olduğunuz müddətdə isə ölkənin elm ictimaiyyəti Akif Əlizadə adlı-soyadlı çox bacarıqlı bir elm təşkilatçısının mövcud olduğundan xəbər tutdu. Hörmətli Akif müəllim siz müstəqillik illərində Azərbaycan gedən ictimai-siyasi proseslərdə həqiqi mövqeyinizi ortaya qoyaraq milli dövlətçilik naminə göstərdiyiniz fəaliyyətlə xalqımızın ürəyində özünüzə bir ictimai-siyasi xadim yeri də qazandınız. Ona görə də Qafqazın ən güclü siyasi təşkilatı olan Yeni Azərbaycan Partiyasının (YAP) bu il iyunun 7-də keçirilən 5-ci qurultayında partiya üzvləri Sizi YAP sədrinin müavini vəzifəsinə seçdi. Həyatınızdakı növbəti uğur münasibətilə sizi təbrik edir və qeyd etməyi vacib bilirik ki, Sizin bu çoxsaylı uğurlarınızın təməlində Qafqazın ilk Şeyxülislamın nəvəsi olmağınız və xalqımızın inanc yerindən olan Mir Mövsüm Ağa nəslinə mənsub olmağınız dayanır. Sizə növbəti ictimai siyasi fəaliyyətinizdə uğurlar arzulayırıq. Hörmətlə, GVB sədri Müqamət Əliyev.
|