Gəncəli gənclərlə vətənpərvərlik mövzusunda müzakirə aparılıb
+ - Çap Yerləşdirilib: 24.09.12 | Baxılıb: 35
qhtxeber.az// Gənc Vətənpərvərlər Birliyi Azərbaycan Respublikası Gənclər və İdman Nazirliyin maliyə dəstəyi ilə “Gənclər Vətənpərvərlik Ruhunda” adlı layihə çərcivəsində Gəncədə “Gənclərin gələcəyi vətənimizin gələcəyidir” mövzusunda təlim keçirib. qhtxeber.az-ın məlumatına görə, tədbirdə Gəncə şəhər Şahmat məktəbinin direktoru Asif Həsənov bildirib ki, orta təhsil müəssisələrində şagirdlərin hərbi vətənpərvərlik tərbiyəsi işini daha da inkişaf etdirilməli və möhkəmləndirilməlidir. Bunun üçün hərbi idman oyunlarına peşəkar yarışmaların təşkili vacibdir. Onun sözlərinə görə, bu baxımdan GVB-nin bu layihəsinin əhəmiyyətliliyi yüksəkdir.
GVB-n Gəncə şəhər yerli şöbənin müdiri, layihə üzrə təşkilat komitəsinin üzvü Elçin Axundov layihənin bir neçə mərhələli olduğunu, layihə başa çatdıqdan sonra tədbirlər planına uyğun olaraq ümumtəhsil və orta ixtisas və ali təhsil müəssisələrində vətənpərvərlik tərbiyəsi işinin gücləndirilməsi ilə bağlı maarifləndirmə tədbirlərinin davamlı olacağını deyib.
Tədbirdə çıxış edən Şahmat məkəbinin Həmkarlar təşkilatının sədri Vəfa Məmmədova, Şahmat üzrə Respublika çempionu Lalə Məmmədova, birliyin fəxri üzvləri Qorxmaz Əliyev, Hüseyn Əskərov, Hüseyn Vəliyev və digərləri layihənin əhəmiyyətini vurğulayıblar.
Hazırladı: Jalə
|
