Gənclər Vətənpərvərlik Ruhunda” layihəsinin icrası başa çatıb
+ - Çap Yerləşdirilib: 08.10.12 | Baxılıb: 51
qhtxeber.az// Gənc Vətənpərvərlər Birliyi Gənclər və İdman Nazirliyin dəstəyi ilə “Gənclər Vətənpərvərlik Ruhunda” layihəsi çərçivəsində mətbuat konfransı keçirib.
Tədbirdə çıxış edən layihə rəhbəri Muğamat Əliyev bildirib ki, layihə çərcivəsində uğurlar əldə edilib, keçirilən tədbirlər nəticəsində yeniyetmə və gənclərə vətənpərvərlik və sağlam həyat barədə geniş məlumatlar verilib.
M.Əliyev onu da qeyd edib ki, layihədə iştirak edən gənclər əldə etdikləri bilik, bacarıq və təcrübələrini tədbiq edərək təmsil etdikləri cəmiyyətlərdə, orta və ali təhsil müəssisələrində təbliğat və maarifləndirmə işləri apararaq ətraflarındakı insanlar üçün faydalı işlər görəcəklər.
Onun sözlərinə görə layihə çərçivəsində həyata keçirilən tədbirlərdə yaşı 18-ə qədər olan 300-ə yaxın gənc və 18-30 yaşına qədər olan 600 nəfərdən çox vətəndaş iştirak edib.
“Bu layihə təşkilatın işinə müsbət təsir göstərib. Belə ki, təşkilatın üzvlərinin sayı artıb və layihənin idarə olunması sahəsində yüksək təcrübə əldə edlib, dövlət və qeyri-dövlət orqanları ilə əməkaşlıqlar genişləndirilib.”- deyə layihə rəhbəri bildirib.
Konfrans diskusiya şəraitində başa çaıb və KİV tərəfindən verilən suallar cavablandırılıb.
Konfransın sonunda Gənclər və İdman Nazirliyin sektor müdiri Ə.Hətəmov, layihə üzrə təşkilat komitəsinin üzvləri A.Əsədov, E.Axundov və P.Səfərov fəxri dipomlarla təltif olunublar.
Hazırladı: İlkin
|
