Esir ve itkin düşmüş, girov götürülmüş vetendaşlarla elaqedar Dövlet Komissiyası esirlerin qaytarılması ile bağlı resmi melumat yayıb.
Komissiyanın metbuat xidmetinden bildirilir ki : “Azerbaycan Respublikasının, Ermenistan Respublikasının ve Rusiya Federasiyası Prezidentlerinin Dağlıq Qarabağ münaqişesinin tenzimlenmesine dair 27 oktyabr 2010-cu il tarixli ve 5 mart 2011-ci il tarixli birge beyanatlarına uyğun olaraq, elece de Esir ve itkin düşmüş, girov götürülmüş vetendaşlarla elaqedar Dövlet Komissiyasının beynelxalq teşkilatlarla apardığı müntezem ve semereli danışıqların neticesinde 17 mart 2011-ci il tarixde Ağdam rayonu, Baş Qervend kendi erazisinde, Ermenistan - Azerbaycan qoşunlarının temas xettinde 10 may 2009-cu il tarixde Azerbaycan Respublikasının Füzuli rayonu erazisinde Ermenistan herbçileri terefinden esir götürülmüş Azerbaycan esgeri - 1990-cı il tevellüdlü Hacıyev Anar Xanbaba oğlu azad olunaraq Müdafie Nazirliyine tehvil verilib. Eyni zamanda, 9 may 2009-cu il tarixde Respublikamızın erazisinde saxlanılmış Ermenistan vetendaşı, 1978-ci il tevellüdlü Badalyan Artur Qrişayeviç müqabil terefe qaytarılıb”.
Melumatda qeyd olunub ki, insidentsiz başa çatan proses Esir ve itkin düşmüş, girov götürülmüş vetendaşlarla elaqedar Dövlet Komissiyası ve Müdafie Nazirliyi emekdaşlarının iştirakı, Beynelxalq Qızıl Xaç Komitesinin vasiteçiliyi ile heyata keçirilib.
Lent.az
|
