CVB narkomaniya və QİÇS əleyhinə tədbir keçirib
AZADİNFORM. Gənc Vətənpərvərlər Birliyi, Gənclər və İdman Nazirliyin maliyyə dəstəyi ilə “Gənclər sağlam həyat tərzi seçir”, “Narkotiklərdən əl çəkək” devizi altında layihə başlanıb.
AZADİNFORM xəbər verir ki, layihə çərçivəsində tədris ilinin başlanğıcı ilə əlaqədar Azərbaycan Dostluq Əlbəyaxa döyüş növləri üzrə idman klubu ilə birgə Sumqayıt şəhər “TEYD” idman sağlamlıq kompleksində “Narkotiklərdən əl çəkək”, “Gələcəyimizi qoruyaq,” Uşaq cinayətkarlığına və narkomaniyaya qarşı mübarizə” devizi altında elmi nəzəri praktik konfrans və karate üzrə idman yarışı keçirilib. Tədbirdə çıxış edənlər tütünçəkmə və narkomaniyanın insan orqanizminə vurduğu zərərləri özündə əks etdirən fəsadlardan söhbət acıblar.
Layihə iştirakçıları əsasən 14-29 yaş arası olan gənclərdən ibarət olub.
Sonda narkomaniya və QİÇS-in fəsadlarından bəhs edən bukletlər tədbir iştirakçılarına paylanılıb.
15.09.2014 10:36 / / Çap
|
