“Vətənpərvər kimdir?” mövzusunda sosioloji sorğular aparılacaq
AZADİNFORM. Gənclər və İdman Nazirliyi yanında Gənclər Fondunun maliyyə dəstəyi ilə Gənc Vətənpərvərlər Birliyinin həyata keçirəcəyi ”Vətənpərvərlik tərbiyəsində psixoloji amillərin rolun artırılması” adlı layihənin icrası ilə bağlı iclas keçirilib. GVB-dən “Azadinform”a verilən məlumata görə, iclasda Abşeron, Bakı və ətraf rayonlarda marifləndirmə məqsədi ilə orta ümumtəhsil, orta ixtisas və ali məktəblər, idman cəmiyyətlərində tədbirlərin keçirilnəsi müzakirə edilib.
İclasda GVB-nin İdarə Heyəti, sədrin müşavirləri, yerli təşkilatların təmsilçiləri, şöbə müdirləri, layihədə iştirak edən könülülər iştirak edib.
İclasda İH-nin üzvü A.Sarıyev gündəlikdə duran məsələlər haqqında məlumat verib.
GVB-nin rəhbəri M.Əliyev qeyd edib ki, 2 ay müddətində həyata keçiriləcək layihə bir neçə mərhələdə icra olunacaq. Bildirilib ki, layihə cərcivəsində “Vətənpərvər kimdir?” mövzusunda sosioloji sorğular aparılacaq, “Orduya hazır ol” devizi altında yüngül atletika üzrə qaçışlar və karate-do üzrə idman yarışları təşkil ediləcək.
|
